Христина е првото бебе кое се роди во битолската болница. Мајката Сара Поп Атанасова го донесе на свет во 1:42 часот после полноќ.
Дежурната екипа на гинеколошко-акушерското одделение на Клиничка болница кои рекоа дека ноќта помина работна, а на свет донесени се здрави деца.
Градоначалникот Тони Коњановски денеска го посети гинеколошко-акушерското одделение каде го пречекаа дежурните доктори прим. д-р Елизабета Чипуровска и д-р Христо Ѓорѓиевски, раководителката д-р Маја Аврамовска и директорот на болницата, д-р Александар Обедниковски.
На родилките им донесе подароци и им посака убава и среќна година.
„Сите се прворотки, кои не израдуваа со принова. Првото бебе во Битола е Христина која ќе кое ќе донесе радост и среќа на родителите, но и на сите нас, затоа што велат ако првото бебе е женско годината ќе биде бериќетна“, рече градоначалникот Коњановски.
„Пред полноќ беа родени уште две деца, машко и женско кои заради итноста мораше мајките мораше да бидат побрзо породени. Пред полноќ се породија Виолета Начковска Митровска, која на свет донесе машко дете и Риние Мемедовска која роди девојче“, рече д-р Чипуровска.
„На првото битолско чупе и посакувам гордо да чекори по Широк Сокак со весела насмевка и посакувам светла иднина во нашата убава битола, но поплодна да ни биде годината“, рече д-р Маја Аврамовска, раководител на одделението.
