Подобрувањето на состојбата на младите лица од ромската етничка припадност и нивно подобро вклучување на пазарот на трудот се главните приоритети на проектот „Поттикнување и развој на женско претприемништво кај младите жени Ромки”.
Потребата од зголемен интерес за подобрување на квалитетот на животот кај оваа етничка заедница, со посебен фокус на младите жени Ромки е континуирана и евидентна, па токму преку проектните активности Здружението на алумнисти на програмата СВТ, СВТ Алумни Скопје поддржано од Employyouth проектот на ЕУ за Западен Балкан и Турција даде придонес кон истото.
Можноста младите Роми да се запознаат подобро со мерките кои им стојат на располагање за подобро вклучување и позиционирање на пазарот на трудот беа презентирани пред нив, а истовремено и самите млади подготвија инспиративно видео. Во истото преку куси пораки тие се обидуваат да укажат на значењето на финансиската независност, на можноста да се работи на исполнувањето на својот сон и самовработувањето.
Целта на проектот е да се зајакнат институциите и образовните капацитети за поддршка на женското претприемништво кај младите жени Ромки во Битола и Скопје, да се зголемат знаењата за значењето, предизвиците и можностите на претприемништвото, да се упаредат мерките за поддршка на младите жени-претприемачи, како и да се подигне свеста кај младите за улогата на претприемништвото за нивно економско зајакнување.
