Здружение на психолози за стручна и морална поддршка на деца и возрасни ,,Рилука”- Битола организира хуманитарен настан „Со уметност до свесност за поинаквоста“ . Настанот ќе се одржува на 08.06.2023-09.06.2023, 17- 20ч во КЦ Магаза Битола, влез слободен.
Целта на овај настан е подигнување на свесноста за лицата со попреченост, нивно прифаќање и еднакви права во опшеството.
Настанот е од хуманитарен и културен карактер, а на истиот ќе има аукција на уметнички дела од врвни и реномирани уметници кои ги отстапиа истите во хуманитарни цели без надокнада , дела на кои што никој нема да остане рамнодушен.
Од тука доаѓа и идејата, срдствата од овој настан да се искористат за опремување на инклузивна игротека, а во оваа идеја може да не подржите со купување на тие уметнички дела .
Инклузивна игротека е од голема важност за децата со попреченост и нивните семејства, тоа ќе биде место каде што децата со попреченост ќе можат да се социјализираат со посебни реквизити за игра, терапија и социјализација, а најважно од се тоа ќе биде место каде што ќе се потикнува нивниот развој.
На настанот ќе земат учество младите таленти од ,, Бабец “.
