Филмската уметност е можеби најприсутен уметнички медиум кој кај публиката има моќ на пренесување на одредена порака, импресија, емоција. Програмска определба на Културно информативниот центар Битола е на битолската публика да им овозможат што повеќе пристап до сериозни филмски производи, запознавајќи се на тој начин и со европската филмска продукција и автори.
Овој пат оваа институција за публиката нуди уште еден кино проект кој во соработка со Центарот за германски јазик „Илиеви“ и Goethe институтот од Скопје.
Од 10 до 15 октомври започнува „Неделата на германски филмови во Кино Манаки“. Филмовите ќе се прикажуваат од 20 часот. Влезот е слободен.
Есенските вечери подобро се поминуваат со филм, особено ако е понеделнички. „Неделата на германски филм во Кино Манаки“ во понеделник започнува со филмот „Лили Марлен“.
