Утревечер, 22 јуни во 19.30 часот на Платото пред Офицерскиот дом не пропуштајте ја големата забава на Сладоленд.
Најпознатото куче на светот и неговиот 5+ Бенд, за првпат ќе настапат пред битолската публика со својот најнов музички перформанс, за спектакуларен почеток на летниот распуст.
Замрзнатиот Петко и 5+ Фамилија, ќе се дружат со најмладите, а забавата ќе изобилува со многу музика и игра.
По повод јубилејот на 5+ образовната и забавна платформа, која повеќе од 15 години успешно ги забавува и едуцира не само децата, туку и родителите, 5+ Бенд и 5+ Фамилија подготвија ново музичко-сценско доживување за децата – овој пат фокусирајќи се на пораки за здрава и чиста животна средина и заштита на планетата, како тема за која младите постојано мора да се едуцираат.
Концертот е поддржан од Општина Битола во соработка со ЈОУ КИЦ Битола.
Влезот е бесплатен.
