Во недела ќе се отвори изложбата „Цртаме за мир“ која е во чест на Татјана Петрова

Недела, со почеток во 12 часот, во НУ Завод музеј ќе биде отворена изложбата „Цртаме за мир“ која е во чест на Ротаријанката Татјана Петрова. Татјана Петрова беше истакнат долгогодишен член на Ротари Клуб Битола Широк Сокак, исклучително талентиран уметник и хуманист , искрен и доверлив пријател. За жал во 2020 година Татјана Петрова трагично го загуби животот во борбата со Ковид 19.

Нејзините дела и споменот на нејзината убава насмевка засекогаш ќе останат во мислите на членовите на Ротари Клуб Битола Широк Сокак, информира Билјана Врцал Ванчевска, претседател на Ротари Клуб Битола Широк Сокак.