Преставници од здружението за развој на ромската заедница „Сумнал“ од 4 до 8 октомври 2022 година учествуваа на состанок во Плауен, Германија во рамките на проектот „Proceed Goes Practise“.
Партнерите од Германија, Бугарија, Грција, Унгарија, Македонија, Романија и Србија се договорија за сите процедури и услови за 30-месечната имплементација на проектот.
Цели на проектот се:
* Професионална ориентација на младите Роми
* Подготовка за работа на возрасни Роми
* Информирање и сензибилизација на работодавачите.
Во рамки на посетата, имаа можност да посетат училиште за продуктивно учење. Можност децата што не можат да завршат основно училиште да завршат таму и после да почнат стручно образование и обука да научат занает.
Во текот на неделата, три пати учат занает во фирми со пола работно време, другите два дена учат практично преку експерименти, работилници, тематски интерактивни предавања и дискусии.
Проектот е финансиран од програмата Еразмус плус, координатор на проектот е германската организација JugendStil.
