ПСК „Олимпус Монс” ги поканува битолчани на несекојдневен целовечерен музичко-сценски настан кој ќе се одржи на Големо Езеро(2218мнв) под отворено небо во Национален парк Пелистер. Настанот е во рамките на Бит Фест.
На Големо Езеро ќе свири „Сити Бенд“ кои со својот акустичен перформанс ќе се претстават на една од најубавите природни сцени во Македонија.
Сите кои ќе бидат дел од несекојдневниот настан, паралелно, ќе имаат можност преку телескопот на астрономот Радан Митровиќ да ја набљудуваат Месечината, Јупитер и Сатурн.
Магијата продолжува до раните утрински часови кога заеднички ќе се упатат кон Врв Ветерница и од таму ќе го набљудуваат изгрејсонцето над Големо Езеро.
Поаѓање: 16.07.2022 (сабота) од Нижо Поле – патека по Дебел Рид – Големо Езеро.
Почетна точка – Лак поток 1,200 мнв
Прва пауза – Чешма Мичо Муши 1,700 мнв
Втора пауза – Карпа 1,900 мнв
Трета пауза – Поток 2,100 мнв
Пристигнување на Г. Езеро 2,218 мнв
Висина на Врв Ветерница – 2,420 мнв
Тежина на патека – Средно тешка
Предвидено време за искачување – 3ч
Должина на патека – 6км
Вкупна денивелација – 2,400 метри
