Членовите на Детското ликовно студио „Свети Кирил и Методиј” Битола денеска со четврта активност – теренско сликање за поддршка кон итно враќање на статусот на 55-годишното Детско ликовно студио „Свети Кирил и Методиј” Битола кое 41 година ја реализира најстарата и најголемата светска детска ликовна колонија „Мал Битолски Монмартр”.
Денеска на Широк Сокак сликаа староградска архитектура на главната пешачка зона во Битола „Широк Сокак”.
Беше поставена и кутија за донации, средства кои им се потребни за функционирање. Исто така, денеска добија и донација од Ротаракт клуб Битола Широк Сокак, 50 пакетчиња мрсни боици кои им ги врачи претседателката за оваа година, Рула Чаламани.
„Министерството за образование и наука на Македонија повеќе од 10 дена се без трајно решение за нашиот статут кој беше неспорен 30 години, а веќе втор месец сме блокирани поради прекинот на финансирањето. Учебната 2О22/2О23 година во Детското ликовно студио „Свети Кирил и Методиј” Битола започнува на 10 септември 2О22 година со 50 потврдени ученици и 30 кои ќе имаат тест приемен период“, велат од ДЛС „Свети Кирил и Методиј“ Битола.
