Советите за воспитување деца често се менуваат. Бидејќи науката нуди некои нови одговори, родителите се трудат да ги доловат најдобрите и најкорисните информации за да им помогнат да ги донесат најдобрите одлуки.
Иако пофалбата е добра за децата, се поставува прашањето за начинот на кој таа треба да се пренесе. Според Research Addict, пофалбите се генерално добри. Кога родителот ќе го пофали детето за она што го прави добро, наместо да го укорува за грешките, детето ќе покажува помала агресивност во односите со луѓето, покажа истражувањето.
Два типа пофалби
Во пракса, ситуацијата со пофалбите е посложена отколку што изгледа на прв поглед. Не е доволно само да му кажете на детето колку е добро, иако тоа е дефинитивно еден од начините. Имено, има лична пофалба и пофалба базирана на труд.
Личната пофалба е пофалба на детето за неговите природни способности и вештини. Овој тип на пофалби е најдобар кога сакате да му покажете на вашето дете љубов.
Пофалбата заснована на труд е пофалба на акција или активност на детето. Ова подразбира пофалба за нешто што детето може да го контролира.
Дали има негативна страна за пофалба?
Иако на почетокот не изгледа така, можно е да претерате со пофалбите. Parenting Science известува дека е објавено истражување кое покажува дека пофалбата може да ја поткопа мотивацијата на детето, што значи дека може да го натера да мисли дека не е потребен напор за да се постигне нешто. Ова се случува кога родителите ќе паднат во замката на претерани лични пофалби бидејќи тоа ги наведува децата да веруваат дека сите вештини доаѓаат природно и дека не треба да се работи на нив, пренесува Индекс.хр.
