Денес во холот на НУУБ „Св. Климент Охридски“-Битола се организираше настан по повод патрониот празник на библиотеката.
На настанот се обрати директорот на НУУБ „Св. Климент Охридски“-Битола, м-р Бојан Стефановски кој на присутните гости им го честита патрониот празникот. Настанот беше пропратен со изведби на учениците од Државното музичко училиште и со говорот „ На Климент“ во изведба на проф. Николина Поповска.
Библиотекарот Маријан Колевски го промовираше 55 број на библиотечното списание „Библиотечен тренд“, а библиотекарот м-р Гордана Ѓоргиевска-Неделковски го промовираше Зборникот на 17. Роднокрајна средба на битолските писатели.
На овој настан директорот да им ги врачи благодарниците на учесниците и фотографот кои помогнаа во реализација на проектот „Другото лице на книгата“. А беа доделени и Ваучери за едногодишна бесплатна членарина на студентите од Факултетот за Информатичка и комуникациска технологија кои беа присутни на настанот заедно со претседателката на студентите Софи Гајтанова.
