На 19 октомври во општинската сала на Општина Новаци ќе се одржат 24 Пелагониски културно – научни средби.
Оваа година, традиционалните награди, Советот на средбите, на чело со претседателката д-р Весна Калпаковска го доделува на еминентни личности кои со својата професионална работа имаат допринесено за развојот на уметноста, културата и науката во Битола и Македонија.
Повелбата за животно дело ќе му биде доделена на истакнатиот битолскиот новинар, хроничар и фотограф – Петар Ставрев.
Наградата „Златен клас за македонски вознес“ ќе ѝ биде доделена на новинарката Соња Лозановска, за промоција на македонскиот јазик, култура и уметност во Канада.
Оваа година, втор пат по ред ќе биде доделена наградата „Панде Манојлов“ за поезија, оваа награда Советот на средбите ќе ѝја врачи на д-р Лили Бошевска, која во континуитет го облагородува македонскиот поетски корпус со автентичен поетски израз.
Исто така, награда за животно дело ќе му биде доделена и на битолскиот писател Ванде Ганчевски.
Во склоп на Средбите, ќе биде промовиран и 19 број на Зборникот на научни трудови на Пелагонските културно научни средби и презентирани тродовите кои ќе бидат сместени во 20 Зборник на Средбите, којшто ќе излезе од печат следната година.
