81-годишниот фоторепортер, новинар, вљубеник во планината и хроничар на Битола, неуморниот Петар Ставрев е годинешниот добитник на наградата 4-ти Ноември за животно дело која ја доделува Општина Битола по повод празникот на градот, 4-ти Ноември, Денот на ослободувањето на Битола.
Ставрев работеше како новинар во Радио Битола, дописник на весникот „Вечер“, соработник со „Битолски весник“, „Нова Македонија“, главен уредник во ТВ Тера во 1993 година. Продолжи со емисиите „Патуваме откриваме“ во ТВ Орбис, како и музичката емисија „Двапати исто, но сепак различно“ на ТВ Тера. Со новинарски ангажман моментално е во весникот „Пензионер“, а подолго време го подготвуваше и весникот „Занаетчија“ во Битола.
Едногодишните општински награди „4 Ноември“ за 2022 година, ги додели Претседателката на Управниот одбор и претседател на Советот на општина Битола, Габриела Илиевска на Благој Мицевски, Оливера Наковска Бикова, Сефедин Бајрамов, Божидар Божиновски (Моџо Калингтон), Д-р Маријан Бошевски.
