Од денес како ново име во школа Атлетико е Штерјовски Зоран, тренер кој поседува ПРО Лиценца, тренер кои зборува два странски јазици, англиски и германски, тренер со големо домашно и меѓународно искуство, кој е ангажиран како кординатор на школата.
„Во наредните неколку месеци Штерјовски Зоран ќе ни помогне во организација на тренажниот процес за сите категории, а ќе биде задолжен и за едукација на нашите тренери и пред се едукација на нашите млади фудбалери и фудбалерки, да се издигнат на едно повисоко ниво. Го ангажиравме со надеж дека еден ден ќе произведе многу млади играчи за нашиот клубот, за репрезентацијата на Македонија и за големите европски клубови.“ рече Никола Гелевски од ФК Атлетико.
Фудбалската Школа Атлетико гази цврсто на зацртаните цели и планови. Кон исполнувањето на истите, вклучуваме наши поранешни играчи и тренери кои со своето искуство и знаење ќе им го покажат вистинскиот пат на идните репрезентативци и репрезентативки на Македонија од нашиот клуб, дополнува Гелевски.
Клубови кои ги има водено како тренер досега Штерјовски се: Фк Пелистер, Фк Кожув, Фк Силекс, Фк Победа Прилеп, Фк Брегалница Штип тие се домашните клубови, а ги водел како тренер и следните странски клубови : Fc Lokomotiv Plovdiv (Bugarija), Fc Agrotikos Asteras (Grcija), Fc Qingdao Janoon (China).
