На регионалната бокс лига која се одржа минатиот викенд во Марибор, Словенија за прв пат настапија тројцата браќа Рустемовски, Адријан, Ружди и Ален.
Адријан Рустемовски победи убедливо со 5:0 против боксерот на Славија, Бања Лука, Петар Средојевиќ. Ружди пак го победи боксерот на Славија, Бања Лука, Анел Рахимиќ.
Противникот на Ален Ристемовски, домаќинот од БК Марибор, Дамир Азизовски се повлече од мечот, така што Ален остана без противник.
Трнерот Јове Петровски Оцо е задоволен од резултатите кои ги постигнаа битолските боксери, а по враќањето продолжуваат со подготовки за нивните наредни настапи во регионалната лига.
