По победата над ТФТ (83:64), „пелистерци“ побегнаа на два бода повеќе пред бранителот на титулата. ТФТ го изненади МЗТ Скопје Аеродром, но обидот да победи во Битола, на „црнo-белите“ не им успеа. На лидерот на табелата му требаше една силна, во овој случај, трета четвртина да потврди дека во овој момент има поквалитетна екипа од скопската, а го презентираше тоа и без помош на некои важни играчи.
Многу работи беа решени во третата четвртина. Десет минути во кои Пелистер го потврди својот квалитет на теренот. Уште еднаш, Игор Кесар го водеше тимот кон нов успех. Во тие три дела од играта веќе имаше комплетирано 24 реализации одлично следен од Стајиќ, кои во целост ги користеја сите слабости, и тоа како видливи во играта на „црно-белите“ кои во Битола не личеа на екипа која пред некоја вечер го победи токму дирекниот конкурент на Пелистер во трката за првото место – МЗТ Скопје Аеродром.
