Викендов во Офицерскиот дом во Битола се одржа концертот „Животот е музика” на кој му беше оддадена почит на човекот кој го подигна нивото на музичката уметност во Битола, академик Георги Здравев. Како диригент на битолската сцена ја поставил првата оперска претстава. Твореше како следбеник на ликот и делото на најголемиот македонски композитор Кирил Македонски.
На концертот настапија ученици и професори од нашето училиште а се изведоа дела од нашите истакнати македонски композитори, и тоa: К.Македонски, Т.Зографски, Т.Скаловски, С.Голабовски, Б.Цанев и Т.Прокопиев.
Неговото почитувано семејство, во неколку наврати издвојуваше вредни книги и партитури од неговата обемна музичка библиотека со желба да ги подари на нашето училиште кое е една светла точка во градот – како што велеше и академик Здравев: “Светла точка за културно издигнување и музички развој на Битола и Македонија воопшто е Државното музичко училиште!”
Настанот беше во организација на КИЦ Битола и Државен Архив, одделение Битола во соработка со Државно музичко училиште – Битола.
фото: Ивона Кочов
