Викендов во амфитеатарот во Ставрос, Грција во организација на Светската Федерација во Боречки Вештини – WFMA чиј основач е и Академијата за боречки вештини и спортови „Златко Неделковски” позната и како „ЗА – НЕД – ДО” се одржа 11-тиот Балкански шампионат.
Учество со свои национални тимови имаа земјите од Балканот и тоа Грција – Бугарија – Македонија – Кипар – Бугарија и Хрватска со над 1.000 борци.
Тимот на „ЗА – НЕД – ДО”од Битола предводен од главниот тренер и официјален претставник во WFMA – Кик Бокс мајсторот Дијана Неделковска броеше шест натпреварувачи кои од 11-тиот Балкански шампионат на WFMA се враќаат со следните резултати:
Јована Јаневска [ 9 години ] категорија до 22 килограми во дисциплината лајт контакт со златен медал; Бобан Гарабиевиќ [ 13 години ] категорија до 59 килограми во дисциплината лајт контакт со златен медал со завршена борба со нокаут; Давид Јошевски [13 години ] категорија до 54 килограми во дисциплината лајт контакт со златен медал; Илче Филкоски [16 години ] категорија до 52 килограми во дисциплината лајт контакт со златен медал; Пенелопа Кочевска [ 16 години ] категорија до 63 килограми во дисциплината лајт контакт со златен медал со завршена борба со нокаут; Бобан Гарабиљевиќ [ 13 години ] категорија до 59 килограми во категоријата лоу кик кој извади нерешен резултат и Лина Зенуни [ 14 години ] категорија до 51 килограм во категоријата лајт контакт со пораз.
Неделковска од Солун за Читај бе изјави:
„Ова не е мал успех. Имавме тим од шест натпреварувачи и подготовките – организацијата на учеството – сместувањето и патот ги реализиравме апсолутно со сопствени средства. Ова е феникс. Враќање на „ЗА – НЕД – ДО” академијата на високото место на пиедесталот во светот на боречките вештини и спортови каде колегите го ценат и препознаваат квалитетот а не квантитетот на натпреварувачите. Огромна благодарност и до WFMA светската федерација чиј основач беше и мојот татко – големиот учител Злато Неделковски што со почести ме назначија за официјален претстаник на Македонија во истата. Голема чест за мене по основ на мојот татко кој живееше за контактните спортови и доказ дека “ЗА – НЕД – ДО” беше – е и ќе остане “расад” на борци со вистински спортски вредности”, истакна таа.
