Повеќе од 40 волонтери го чистеа местото познато како „Кај Авионите“ и Смолево во склоп на волонтерската акција „Чиста писта“ на Локалниот волонтерски сервис ‒ Битола. Потребата да се разлизира акцијата е фактичката ситуација дека местото „Кај Авионите“ е запоставен дел од градот каде што нема еколошка свест, а потребен е тој чист простор за многу настани бидејќи од таму се гледа Битола кристално чисто!
Во склоп на акцијата имаше и диџеј на симулирана писта и перформанс од страна дел од волонтерките кои беа облечени како стјуардеси од рециклирани материјали.
Проектот „Локален волонтерски сервис Битола“. на Младински културен центар – Битола во партнерство со СФЕРА Интершенал се спроведува во рамки на Регионалната програма за локална демократија во Западен Балкан 2 – ReLOaD2, која е финансирана од Европската унија (ЕУ), а ја спроведува Програмата за развој на Обединетите нации (УНДП).
Локалниот волонтески сервис претставува организиран облик на општествена партиципација којшто вклучува млади луѓе од Битола на возраст од 16 – 29 години. Идејата за формирање на ваков сервис е да се стимулираат волонтерски активности и да се зголеми бројот на млади кои ќе се вклучат во доброволна работа во локалната заедница.
