Многу музика, игра и дружење на мини турнејата на 5+ Бенд и Замрзнатиот Петко во Битола. Голем број деца дојдоа на платото на Офицерскиот дом и заедно ги пееја хитовите со јунаците од 5+ Фамилија кои настапија пред битолската публика со својот најнов музички перформанс, за спектакуларен почеток на летниот распуст.
По повод јубилејот на 5+ образовната и забавна платформа, која повеќе од 15 години успешно ги забавува и едуцира не само децата, туку и родителите, 5+ Бенд и 5+ Фамилија подготвија ново музичко-сценско доживување за децата – овој пат фокусирајќи се на пораки за здрава и чиста животна средина и заштита на планетата, како тема за која младите постојано мора да се едуцираат.
Концертот беше поддржан од Општина Битола во соработка со ЈОУ КИЦ Битола.
Фото: Саше Богоевски
