Синоќа се одржа настанот „Хуманитарна вечер со македонски автори“ во организација на книжарницата Book’s House , кој се одржа во локалот Бар Општина, кој се наоѓа веднаш до книжарницата.
На настанот се продаваа книги од повеќе македонски издавачки куќи кои донираа книги за настанот како и рачни изработки донација од ракотворци по пристапни цени за сечиј џеб.
Целта на „ХУМАНИТАРНА ВЕЧЕР СО МАКЕДОНСКИ АВТОРИ“ беше да се соберат средства за да се помогнат средношколците со попреченост кои учат во паралелките сместени во СОУ „Таки Даскало“ – Битола, но и семејни лица кои се соочуваат со попреченост – водени од мислата: нашето малку, некому може да биде доволно.
Книжарницата Book’s House од кога се отвори – неколку пати веќе има реализирано хуманитарни настани кои за среќа се и помогнати и од големи и мали бизниси, но и посетени од голем број на хумани битолчани, но и посетители надвор од Битола.
Присутните уживаа во вокалот на Сара Петровска која се погрижи за музичката атмосферата.
