beautiful 2910260 1280

Михаил Лабковски е руски психолог, писател, ТВ и радио презентер. Успеал да дипломира на универзитет дури по третиот обид на 28-годишна возраст, а потоа се преселил во Израел и работел како психолог со проблематични тинејџери. По враќањето во Русија, тој отвори приватна ординација и започна како поканет експерт за радио и ТВ, а подоцна започна и свои емисии. Во 2020 година, руски Форбс го прогласи Лабковски за најуспешен руски психолог со приход од повеќе од 130 милиони рубли годишно. До 2021 година, неговата книга „Сакам и ќе“ е продадена во повеќе од милион примероци. А еве што вели тој, кои 10 квалитети ги поседува секоја остварена жена.

labkovski

1. Од детството научила да се потпира само на себе
Дури и ако мама и тато беа прекрасни, а нејзиното детство идилично, таа не чувствува дека некој нешто и должи или дека и е загарантиран прекрасен живот. Таа верува во сопствените напори, можности и способности.

2. Таа си е доволна сама себеси
Не и требаат други луѓе, особено не мажи, за да си ги решаваат проблемите. Исто така, не и се потребни за да биде среќна. Таа сама си ги решава проблемите и се прави среќна. Други луѓе и доаѓаат како шлаг на тортата, и го прават животот посладок.

3. Таа е независна во секоја смисла на зборот
И пред се финансиски. Ваквите девојки најчесто од мали размислуваат како и каде ќе заработат за живот. Рано го напуштаат домот на нивните родители, не се плашат да одат во друг град или земја да студираат, да се развиваат и да растат. До 25-годишна возраст, таквите девојки веќе имаат јасен план за кариера, некои веќе имаат значително работно искуство и направиле неколку чекори во својата кариера. Тоа не се нужно чекори напред, односно не е неопходно сите да брзаат да станат големи шефици. Тоа може да биде некое научно откритие, пишување книга, некоја корисна програма. Станува збор за тоа дека оваа девојка веќе направила нешто во животот до својата 25-та година, а не само да планира и да наоѓа објаснувања зошто не може да ги оствари своите планови.

4. Таа не бара помош
Односно, можеби и ќе ја побара, но тоа значи дека таа веќе пробала сè: ја анализирала ситуацијата, направила неколку обиди сама да стигне до целта и конечно се уверила дека нема доволно потенцијал, па решила да побара некој да и помогне. Но, додека не се увери дека проблемот не може да се реши без вклучување, така да се каже, туѓи ресурси, таа нема да бара помош. И има право. Интересно е што оваа особина најчесто се манифестира во училиште. Девојка, соочена со нерешлив проблем во математиката, цел ден седи над книга и дури навечер се обраќа кај мама или тато со барање да и помогнат. Во иднина, не толку успешните жени се однесуваат поинаку: при првата тешкотија кукаат и молат некој друг да го преземе проблемот на себе.

5. Таа не прави компромиси
Не се плаши дека нема да успее, дека нема да може сама да се справи со нешто, не и треба одобрување од другите. Овие девојки ги оставаат активностите кои не ги исполнуваат, во тинејџерските години сами одлучуваат што ќе бидат кога ќе пораснат и во кое училиште да се запишат, овие ученички не купуваат семинарски трудови, затоа што ги интересира насоката што ја избрале, овие девојки не се гледаат со момчиња кои не ги почитуваат. Тие безмилосно отфрлаат се што не се вклопува во нивниот имиџ наречен „Како што јас сакам“. И спротивно на гласините на завидливите, тие добиваат работа, сопруг и живот што го посакуваат. Својата работа ја третираат бескомпромисно. Таквите жени нема да работат за понижувачки ниска плата, нема да трпат лоши услови за работа, нема да толерираат грубост на шефот или манипулации од колегите. Тие ќе заземат став за даден проблем, а ако ништо не се промени, ќе преминат на друго работно место, во друг сектор или во друга компанија.

6. Никогаш не се споредува со никого
Таа не се споредува со нејзините пријатели, роднини или колеги во однос на нејзините достигнувања, финансии или социјален статус. Добро знае дека секогаш ќе има некој помлад, позгоден, побогат, поуспешен, погламурозен, можеби некоја со титула војвотка. Таа се споредува само со себе, онаа од вчера или онаа од минатата година и ги оценува само нејзините достигнувања во тој период.

7. Задоволна е со својот изглед
Не сака да го оперира носот, не ги зголемува усните и градите, не е постојано на диета и не се нервира што ќе изеде две парчиња торта. Се грижи за себе, се грижи за својот изглед и не се жали дека не е доволно убава. Таа се грижи за својот изглед без намера да го промени.

8. Не сонува за брак
Но, не затоа што никој не ја сака, никако. Може да има милион љубовници, но не сака да основа семејство со нив. Инфантилен и слаб маж и е неинтересен, а паметен, амбициозен и семејно ориентиран маж е за жал ретка појава кај нас. За среќа, тоа не и пречи на остварената жена, бидејќи (види точка втора) нејзината среќа не зависи од другите.

9. Таа не прифаќа нееднаквост
Принципот „мажот е хранител“ за неа е сосема незамислив. Со неа можете да комуницирате само на рамноправна основа, и не е важно кој е побогат, поавторитетен или зазема повисока позиција. Ќе разговара со директорот на државната корпорација како и со касиерката во продавницата, никогаш нема да дозволи да биде груба со келнерот, но нема да трпи никакво омаловажување од сопственикот на спортскиот клуб каде што е активна.

10. Никогаш нема да ја напушти работата
И да има милијарди на сметката, за неа не се во прашање парите. Таа ги постигнува своите цели, ја сака својата работа и никогаш не помислува да остави се и да седи дома. Не оди на работа за да падне на нос, туку да го работи тоа што го сака.

Извор

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за новости

You May Also Like

Чај од ловоров лист за кашлица и воспалено грло

Ловорот се користи во третман на дигестивни и кардиоваскуларни нарушувања, гихт и…

„Парите се отепувачка“ на Ристо Крле, актуелна реалност на Македонците, 84 години од првата изведба

Во 1938 година првпат беше изведена драмата „Парите се отепувачка“ од Ристо…

За лицемерното смирение…

Покрај вистинското смирение постои уште и лажливо смирение. Тоа е суетното “смирение”,…

Ново детско катче во Битола – Игротека Jungle fun

Битола доби уште едно катче наменето за најмилите – Игротека Jungle fun…