Танцовиот спортски клуб Степ Ап Битола на 20.12.2022 година со почеток во 19:30 часот одржа бесплатен час на кој можеше да присуствува секој кој има желба да научи да танцува. Битолчани го почувствуваа духот на традицијата, понесени од звуците на англискиот валцер и раководени од нашите професионални инструктори Јагода Димовска и Тони Лозановски и асистенција од активните натпреварувачи Тамара и Зорица.
Блеснаа кристалите во Офицерскиот дом, но блеснаа и насмевки на лицата на присутните кои уживаа и танцуваа.
После тежок период низ кој минуваат луѓето убаво е да направат нешто за себе, за своја душа, а без многу голем напор и стрес. Нема ништо подобро за тоа од музика и танц – велат од ТСК СТЕП АП
Со овој настан ја заокружиме успешната и плодна танцова 2022 сезона и го доближавме танцот до граѓаните на Битола. Во таа чест наздравуваме, со амбиција, желба и планови за уште поинтересни проекти во иднина.
Упатуваме благодарност до сите кои покажаа интерес и го поддржаа овој прекрасен настан.
“Танцувајте, таа забава никогаш нема да му наштети на светот” порачуваат од ТСК Степ Ап и ве покануваат да се вклучите во нивните активни групи за возрасни љубители на танцот.
