По повод празникот Рамазан Бајрам, во Битола главниот настан се одржа во Исак Челеби џамијата, каде што утринската молитва ја предводеше имамот на џамијата Орхан Демири, а рамазанската молитва ја предводеше битолскиот муфтија Амит Расими.
Рамазан Бајрам е еден од најзначајните празници во исламската вера, кој означува крај на едномесечниот пост за време на светиот месец Рамазан. Овој празник е време на духовна радост, простување и солидарност, кога семејствата се собираат, се разменуваат подароци и се посетуваат пријатели и роднини. Посебно внимание се посветува на помагање на сиромашните, бидејќи дарежливоста и хуманоста се суштински дел од овој празник.
