Жалфијата (Salvia officinalis) со векови важи за света и лековита билка. Нејзиното латинско име доаѓа од зборот salvare („спаси“), а уште од античко време се користи во медицината, кујната и козметиката.
Богата е со антиоксиданси и полифеноли кои имаат силно противвоспалително и заштитно дејство. Чајот од жалфија помага во регулирање на холестеролот, стабилизирање на шеќерот во крвта и може да биде корисен за лица со дијабетес. Истражувањата, пак, потврдуваат дека жалфијата позитивно влијае на мозокот – ја подобрува концентрацијата и вниманието, а може да ги ублажи и симптомите на Алцхајмерова болест.
Поради своите антибактериски својства, жалфијата често се користи при воспалено грло, проблеми со крајници и усна празнина, како и за подобрување на варењето и зајакнување на организмот. Во кујната, пак, е позната како зачин што им дава интензивен вкус на масните јадења и истовремено помага во нивната дигестија.
Стручњаците предупредуваат дека етеричното масло од жалфија содржи тујон – соединение кое во поголеми количини може да биде штетно за нервниот систем. Затоа се препорачува умерена употреба, а бремените жени, доилките и децата треба да избегнуваат концентрирани препарати.
