Денес (21.01.2023 година) во Офицерски дом Битола, се промовираше новиот битолски Шаховски клуб „Штајниц“, со брзопотезен турнир „Штајниц 2023“ на кој учество зедоа шахисти не само од нашиот град туку и од целата држава, но и од соседна Грција.
Во обраќањето на претседателот Пеце Богдановски беше наведено дека главен мотив и приоритет на овој нов Шаховски клуб е работа со млади категории на шахисти.
Во рамките на клубот постои и Шаховската школа која ќе работи со млади категории во која се добредојдени сите заинтересирани.
Шаховскиот клуб Штајниц е основан во 2022 година во Битола, во чест на првиот шаховски шамион во светот, Вилијам Штајниц.
„Наша цел е да создадеме заедница во која ќе се приклучат се повеќе млади шахисти кои континуирано ќе се развиваат и придонесат кон развој на натпреварувачки и спортски дух, а сè со цел усовршување и остварување на повисоки спортски резултати. Посветени сме на постојан развој и унапредување на младинските шаховски ентузијасти, запознавање на младите со оваа дисциплина и спортот воопшто, и формирање на здрави млади генерации!“, велат од клубот.
