По повод Денот на жената, 8 март, за прв пат се организираше активност на идеја на Ленче Василевска и Ана Белимачевска, кои се со потекло од потпелистерското село Маловиште со цел да им се покаже внимание на мајките и бабите кои се жители во селото.
„Да им дадеме почит како наши чуварки на влашкиот јазик и традиција, благодарение на кои се пренесува на помладите генерации. Во настанот се вклучија и ученици кои го изучуваат предметот Јазик и култура на Власите од повеке основни училишта во Битола, со наставничката Моника Дервеновска, кои со лични изработки, честитки и пригодна песна им го честитаа денот на сите припаднички на понежниот пол во селото. Благодарност до сите кои помогнаа да се реализира овој настан, кој посакуваме и понатаму да премине во една убава традиција и пошироко“, велат за Читај бе организаторите на овој прекрасен настан.
Ви ја пренесуваме атмосферата и среќата кај сите кои беа дел од овој настан, кој влева надеж дека овој ден ќе се користи да предизвика насмевки кај сите жени, мајки, баби, па дури и во најодалечените места.
