Во посета на Сојузот на борци-Битола во текот на вчерашниот ден беше генерацијата од петто одделение на ООУ„Св.Климент Охридски”-Битола заедно со своите одделенски наставници Снежана Стојанова, Ана Здравкова, Сузана Дишковска, Елица Митревска и Александар Степановски.
Учениците се запознаа со работењето на организацијата и некои историски настани од НОБ. Потоа полагаа цвеќе пред споменикот на Стив Наумов каде претседателот Стефан Бошков ги запозна со животот и делото на херојот. Исто така, ги посетија и останатите спомен-бисти на Шеталиштето каде положија цвеќе и цртаа слики од историски настани.
Претседателот на СБМ-Битола, Стефан Бошков и директорот на ООУ „Св.Климент Охрдиски” – Битола, Предраг Созовски потпишаа меморандум за идна соработка.
Од СБМ-Битола изразија големо задоволство за активностите на наставниците и учениците од ова училиште во зачувување и продолжување на почитувањето на традициите од НОАВМ.
