Песната „Бескрајна љубов“ на Андреја Џајковска, ученичка во IX одд. при ООУ „Тодор Ангелевски“ — Битола е една од победничките песни на 16. интернационален фестивал на детска поезија, „Дјечије царство 2022“ кој се одржа на 29.4.2022 г. во Бања Лука, Босна и Херцеговина.
„Ученичката Андреја Џајковска од IX-5 одделение при ООУ „Тодор Ангелевски“ — Битола учествуваше и влезе во 70-те финалисти од вкупно 4 500 учесници – млади поети од основните училишта од повеќе земји (Босна и Херцеговина, Црна Гора, Хрватска, Србија, Македонија и Словенија). На конкурсот беа пристигнати повеќе од 8000 лични детски поетски творби. Таа беше една од најдобрите седум млади поети од Македонија. Доби повеќе подароци и диплома за учеството“, ни изјави нејзината менторка, наставничката по Македонски јазик, д-р Миме Тасеска-Китановска која воедно доби диплома за успешна и посветена работа како менторка.
