Со четири од можните десет бода на контото, битолскиот претставник во Европската лига, Еурофарм Пелистер за денешниот дуелот против Бидасоа Ирун денес од 20:45 часот. Убедливиот пораз од дванаесет разлика во Баскија минатиот вторник ги приземји пелистерци, но и покрај поразот сите веруваат во поинаков натпревар и исход. Гоце Ојлески ги откри опасностите од противникот.
„Се подготвуваме, го анализираме претходниот натпревар кој го игравме во Шпанија, каде навистина одигравме лошо. Се надевам дека со нови сили, цел тим ќе даде максимум и ќе се израдуваме на победа на домашен терен. Очекувам да ја заокружиме оваа полусезона со победа.
Бидасоа Ирун има искусни ракометари, како што е Агинагалде, играат шпански систем на ракомет, кој можеби не е толку атрактивен за гледање, но секој си ја знае работата, добро се воиграни и носи резултати. Верувам дека имаме свои шанси и се надевам на победа“, рече Ојлески.
