Над 100 ученици на Детско ликовно студио „Свети Кирил и Методиј“ Битола го прославија првото полугодие за учебната 2022/2023 година за кое на 5 светски детски ликовни колонии и 10 светски детски ликовни конкурси и изложби освоени се над 150 награди.
„Традиционално веќе 55 години секоја втората недела од декември во календарската година ги доделуваме наградите кои учениците, а со тоа и ДЛС ги освоило во текот на изминатото полугодие.
Ова воедно е и причина учениците кои веќе ги имаме над 120 за оваа учебна 2022/2023 година да се запознаат меѓусебно и да се дружат како поради обемот на работа истите својот ликовен талент го практикуваат во засебни школки класови, па и не се познаваат меѓусебно.
Она на што сум посебно горда е што во оваа за нас како ДЛС турбилентна година ние од 20 до 40 ученици на годишно ниво за школска година сега имаме над 120 што значи дека децата, а со тоа и родителите го препознаваат квалитетот и можностите кои членувањето во ДЛС ги нуди.” – истакна Елена Хаџи-Антоновска – претседателка на ДЛС „Свети Кирил и Методиј“ Битола.
ДЛС по формирањето на Меѓународниот управен одбор за 42 издание на светската детска ликовна колонија „Мал Битолски Монмартр” веќе прима огромна цифра на пратки кои се поврзани со 41 издание на светската детска ликовна изложба и конкурс насловен како “Битола”.
„Нашите ученици сликаат. По малку е трагично што меѓународниот управен одбор кој го формиравме е оценет како откраднување на брендот од Битола и Македонија што апсолутно пак е комично како одредени новинари селективно ги читаат нашите изјави и соопштенија.
ДЛС „Свети Кирил и Методиј“ Битола е и организатор и реализатор со дискреционо право да интервенира во одлуките. Тоа прво. Второ ние сме повеќе од половина година без регулиран статус кој Министерството за образование и наука на 55 годишна организација му го прекина без писмено образложение по 30 годишна соработка и поддршка.
Но ова се моменти на крај на 2022 година и лошите чичковци не ни се во фокусот.
Управниот одбор на Детско ликовно студио „Свети Кирил и Методиј“ Битола донесе одлука по 10 години пауза за издавање на Новогодишна честитка на која ќе е претставено дело на учесник – учесник од 41 издание на МБМ 2022 чие име ќе е изненадување.
Воедно за Новата година на учениците во соработка со Агорица и Стефанос Тачмацидис кои имаат текстилна фабрика изработивме и работни униформи за секој ученик.
Впрочем мисијата и целите се едноставни. Нашите ученици и нивната радост и промоција на нивниот ликовен талент се пред и над се. Се друго е небитно.” – истакна Славчо Неделковски – претседател на Управниот одбор на ДЛС „Свети Кирил и Методиј“ Битола.
Новогодишната забава беше реалирана со средства од ДЛС а слатките задоволства беа донација од страна на родител на ученик на ДЛС „Свети Кирил и Методиј“ Битола.