По повод претстојните Новогодишни и Божиќни празници, учениците од СОУ „Таки Даскало“, на ден 28.12.2022 организираа новогодишен базар кој се одржа во холот на училиштето.
Учениците од гимназиското образование, градежно-геодетската,текстилната, графичката, рударската, угостителско-туристичката, сообраќајната струка, како и од струката лични услуги под менторство на нивните професори, својата креативност ја покажаа во изработката на рачни творби, новогодишни украси, како и домашно приготвена храна.
На оваа манифестација, родителите, вработените во училиштето како и поканетите гости купуваа од приложените предмети и прехранбените продукти. Собраните финансиски средства ќе бидат искористени за купување на дидактички материјали и друг вид на опрема потребна за училиштето.
