Со 14-то издание на традиционалната манифестација „Незаборав“, посветена на композиторот Тоде Новачевски, ќе се затвори годинешното издание на Битолското културно лето БИТФЕСТ 2024
На 29-ти август (четврток) на Платото на Офицерскиот дом Битола, со почеток од 20 часот ќе се одржи концерт во живо со песните од Тоде Новачевски, а во изведба на познати битолски музичари – изведувачи. Влезот за концертот е слободен.
Манифестацијата е комплетно финансирана од Општина Битола во рамките на БИТФЕСТ. Автор на проектот е Панде Димитровски.
Изминатите 13 изданија на „Незаборав“ беа посветени на Сашка Петковска, Јонче Христовски, Пепи Бафтировски, Љупчо Спасеновски, Добри Ставревски, Гоце Николовски, Миле Шерденков, групата Битолски Конзули, Битолчани на Валандово, Драган Каранфиловски – Бојс, песни за Битола – прв и втор дел и Интерфест 92-96 година.
