Пред нас е богата програмска недела на исклучителни културно-образовни настани во КИЦ Битола, која започнува вечерва во Свечената сала на Офицерски дом – КИЦ Битола, со почеток во 19.00 ч. ДМУ – Битола со „Свечен концерт во сеќавање на проф.Пеце Митревски“, насловен како „Стар, ама на англиски“ Истата вечер со почеток во 19.00 ч. во Кристалната сала на Офицерски дом, изложба на дела од учениците од ОУ „Елпида Караманди“ по повод патрониот празник на училиштето.
Од КИЦ Битола ја најавуваат првата официјална соработка со Македонското научно друштво – Битола и КИЦ Битола, трибината посветена на големиот писател „Владимир Костов живот и дело“ на 26.04.23 , Свечена сала – Офицерски дом 18.00 ч.
Четврток 27.04 е денот на изненадување… Големиот мајстор на гитарата, човекот чии изведби се музичка лектира за генерации, музика која дише со македонски код со солистички концерт во Свечената сала на КИЦ Битола.
Соработката помеѓу францускиот џез музичар Оливиер Самоуилан со македонските џез музичари Поповски Сашо, Иван Бејков и Ратко Даутовски е континуитет на предходната соработка на Jazz Factory Festival . Џез музиката е универзален јaзик кој не познава граници, стилови, нации…Џез музиката е музичка синергија, која е во постојано движење,инспирација во од…Музика која зависи исклучително од духот и вештината на музичарите. По втор пат International Jazz Day во Културен и иформативен центар Битола на 30.04 со почеток во 13.00 ч. на платото на Офицерски дом – КИЦ Битола
