Зарина Првасевда, после успешниот концерт во Македонската Филхармонија по повод издавањето на нејзиниот прв албум „ЕХО“ , кој беше распродаден до последна карта, објавува дека ќе одржи концерт придружувана од нејзиниот ансамбл во Битола (13 октомври).
На 13 октомври со почеток од 20 часот во Центарот за култура во Битола ќе има можност нејзиниот концерт да го проследи битолската публика.
На овој концерт Зарина Првасевда ќе ги изведува песните од својот – прв официјален студиски албум, насловен „ ЕХО “, кој неодамна го издаде за издавачката куќа Croatia Records, која пак важи за најголема и најпродуктивна издавачка куќа на балканот од ваков тип. Истиот е склоп од 11 традиционални песни од Балканот, спакувани во нови аранжмани а отпејан на 5 јазика и тоа : македонски, албански, турски, српски и бугарски.
„Она што за сигурно го знам е дека ќе имаме можност повторно заедно да ја одживееме магијата и синергијата што ни се случи нам присутните во Македонската Филхармонија, преку фреквенцијата на музиката да се прегрнуваме, да плачеме и да се утешиме, да и се радуваме, да ја помилуваме одблизу песната на народот , да ја налееме со љубов и одново да и дадеме крила , онака како што таа заслужува за да лета слободна и да патува се до онаму до кадешто некому ќе биде мелем’’ вели Зарина.
