Денес, среда, 15-ти ноември, во 19 часот, ќе се случи премиерата на театарската претставата КУКЛЕН ДОМ по текстови на Хенрик Ибзен, како и по авторски материјали на Билјана Крајчевска. Претставата е во продукција на Интимен Театар Битола, а режијата е на Софија Ристевска Петрушева. Во самата претстава играат актерите Валентин Дамчевски и Катерина Аневска Дранговска. Овој проект е поддржан од Министерството за култура, а ќе се изигра во просториите на Приватната Установа за социјална заштита на стари лица ДОМ СОФИЈА Битола.
На 16-ти ноември во 14 ч, исто така во просториите на Приватната Установа за социјална заштита на стари лица ДОМ СОФИЈА Битола, Интимен Театар ќе одржи финална презентација на резултатите од мноштвото работилници одржани со старите лица, во склоп на интердисциплинарниот проект ‘Современите перформативни уметности како алатка за подобрување на квалитетот на живот на старите лица” поддржан од Министерството за култура.
