ЦЕРИ од Битола започна со реализацијата на проектот ФОТОКОЛОНИЈА ПЕЛАГОНИЈА, финансиски поддржан од Министерството за култура и Општина Битола.
ФОТОКОЛОНИЈА ПЕЛАГОНИЈА е едукативно-творечки проект кој ќе овозможи пренесување на искуства и размена на идеи помеѓу истакнати и заслужни македонски фотографи и млади фотографи од пелагонискиот регион на почетокот на својата кариера.
Активностите на преоктот ќе се реализираат во период од 3 месеци, а финален продукт на проектот ќе биде изложбата ФОТО КОЛОНИЈА ПЕЛАГОНИЈА 2023 составена од фотографии и мултимедијални елементи преку кои ќе се презентираат културните богатства на пелагонискиот регион.
На првиот ден од колонијата своето искуство со 20-тината учесници во колонијата го сподели проф. Роберт Јанкулоски кој пренесе дел од своите искуства и совети како да се подобри квалитетот на фотографиите, и што е она што треба да се направи за фотографиите кои се создаваат да добијат на значење.
Вториот ден на колонијата се реализира под менторство на Далибор Митковски кој на учесниците на колонијата ќе им пренесе искуства за тоа како да ги подобрат своите портретни фотографии и како да се справат со предизвиците на фотографирање на настани кои се одвивваат во живо.
