Европска асоцијација за астрономско образование [ EAAE ] од 2ОО9 година го реализира детскиот ликовен конкурс “Вселенска уметност – визија за убавината на универзумот” на кој Детското ликовно студио “Свети Кирил и Методиј” Битола оваа 2О25 година за прв пат учествуваше со дела на свои 19 членови.
„Со оваа образовна асоцијација на Еврпската Унија се запознавме при нашата службена посета на Брисел. И низ низата средби се запознавме и со директорката на Европска асоцијација за астрономско образование [ EAAE ] Едерлинда Вињуалес која ни го посочи ликовниот конкурс, а со наградите – признанијата и дипломите ни упати и поздравно писмо.
Нашите членови твореа на темата и од страна на организаторот беа селектирани 18 цртежи на ученици за кои се доделени 18 награди и тоа: Давид Атанасовски, Елиф Сулиманоска, Фросина Полизовска, Ива Атанасовa, Ивана Влкановска, Јана Талеска, Луна Петковски, Михаела Стефановска, Александар Филиповски, Анабела Јовчевска, Анастасија Димитријовска, Андреј Миленковски, Мила З. Спироска, Нина Пешевски, Сара Сотировска, Стефанија Димитријовска, Стефанија Јошевска и Томислав Атанасовски.
Посебно признание за прикажан извонреден ликовен пристап во своето ликовно дело доби нашиот член Сирма Спиркоска.
Ова за прво учество на овој ликовен конкурс кој е прилично комплексен во својата содржина е одличен успех за кој се гордеме со нашите членови и нивните дела.” – истакна Елена Хаџи-Антоновска – претседателка на Детското ликовно студио “Свети Кирил и Методиј” Битола.
Европска асоцијација за астрономско образование [ EAAE ] редовно организира и друг ликовен фестивал насловен како “Допри ѕвезда” за кој учесниците – учениците треба покомплексно да се запознаат со темата на вселената како и серија ликовни работилници со акцент на едукативниот и ликовниот сегмент.
