Во НУ Завод музеј беше отворена изложбата „Цртаме за мир“ која е во чест на Ротаријанката Татјана Петрова.
Од страна на претседателката на Ротари клуб Битола Широк Сокак за ротаријанската година 2022/2023, Билјана Врцал Ванчовска, беа доделени 5 награди, во трите категории и две специјални.
Денот на мирот секоја година традиционално се одбележува со цртање, но оваа година по втор пат, настанот ќе биде одбележан со награден ликовен конкурс во чест на Татјана Петрова. Татјана Петрова беше истакнат долгогодишен член на Ротари Клуб Битола Широк Сокак, исклучително талентиран уметник и хуманист , искрен и доверлив пријател. За жал во 2020 година Татјана Петрова трагично го загуби животот во борбата со Ковид 19.
Целта на овој ликовен конкурс е да се поттикне креативноста кај децата и младите, како и да се поттикне нивниот интерес кон ликовната уметност, но и да се подигне свеста за важноста и значењето на мирот во светот.
Конкурсот беше наменет за ученици од 1-9 одделение од основните училишта, ученици од 1-4 година во средните училишта од Битола.
