Денеска, во малата сала при Центарот за култура Битола се одржа прес конференција за најновата премиера на НУ Народен театар – Битола „My name is Medeja” во режија на Себастијан Хорват која е закажана за 28.09.2022г. на сцената на Н.У. Народен театар – Битола во 20 часот.
Себастијан Хорват е еден од најплодните режисери во Словенија и пошироко, а кој во моментот работи во Н.У. Народен театар – Битола на претставата “MY NAME IS MEDEJA”, чија премиера ја очекуваме кон крајот на овој месец. Неговата биографија е огромна и фасцинантна. Добитник е на скоро сите значајни и најголеми награди во Словенија и пошироко.
Милан Рамшак Марковиќ (Белград, 1978) е српски сценарист, драматург и сценски изведувач.
Како драматург работел на претстави во Словенија, Србија, Хрватска, Данска, Италија и во Германија. Го напишал сценариото за телевизиската серија „Утрото ќе промени сè“ (Радио и телевизија на Србија, 2019) и „Отворена врата“ (Прва српска телевизија, 2014). Тој е коосновач на институцијата „Мелара“ во Љубљана каде што и живее.
Драго Ивануша е името кое ќе стои запишано зад музиката на нашата најнова премиера која сите ја очекуваме со нетрпение на 28ми овој месец.
Драго Јануша е композитор на филмска и театарска музика, пијанист и хармоникаш. Тој е еден од најактивните словенечки композитори. Од 1991 година до сега, има создадено музика за околу 130 театарски и танцови претстави, 23 филмови, како и бројни самостојни композиции за камерни групи и оркестри. Соработува со едни од најдобрите словенечки режисери и кореографи.
My name is MEDEJA
Режисер: Себастијан Хорват
Драматург: Милан Рамшак Марковиќ
Композитор: Драго Ивануша
Сценограф: Валентин Светозарев
Костимограф: Андреј Ѓоргиевски
Светло – мајстор: Игор Мицевски
Тон – мајстор: Александар Димовски
Играат
Илина Чоревска
Огнен Дранговски
Катерина Аневска – Дранговска
Викторија Степановска – Јанкуловска
Јулијана Мирчевска – Мавровска
Иван Јерчиќ
Здравко Стојмиров
Соња Михајлова
Васко Мавровски
Сандра Грибовска – Илиевска
Анастазија Христовска
Никола Стефанов
Кристијан Танчевски
Инспицијент: Димитар Михајловски Превод: Оливера Павловиќ
Суфлер: Мирјана Христовска Превод на Германски и консултант: Симона Монавчева
