Македонските младински репрезентативци Стефанија Алексовска и Архан Арслановски се добитници на стипендијата „Спортска надеж“ за 2022/23 од страна на Агенција за млади и спорт. Како што е добро познато, овие два битолски куглари имаа одличен настап на овогодинешниот Светски Куп во Естонија, објави на својата фејсбук страна Кугларската федерација на Македонија.
Арслановски го освои 8. место на Светскиот Куп за младинци кој се одржа во естонскиот град Елва. Арслановски направи одличен резултат во квалификациите освојувајќи го 7. место со резултат 578 (205) и се пласираше меѓу осумте најдобри во машка конкуренција.
Во финалето имаше за нијанса послаб резултат и на крајот финишираше како осми, но евидентно, покажа дека се наоѓа во самиот врв на светското куглање во младинска конкуренција. Стефанија Алексовска во квалификациите заврши на 12. место.
