Битолските боксери, браќата Ален и Ружди Рустемовски кои се репрезентативци на Боксерската Федерација на Македонија настапија на Меѓународниот натпревар „Алексо Огненовски“ кој се одржа во Охрид.
На натпреварот учество зедоа повеќе европски држави: Германија, Шведска, Швајцарија, Албанија и една африканска земја, Еритреја. Ален Рустемовски настапи во јуниорска конкуренција до 57 кг., а Ружди Рустемовски исто така настапи во јуниорска конкуренција до 66 кг. Двата боксера беа подобри од своите противници, Ален Рустемовски против Сухејб Матраку победа со прекин во првата рунда. Ружди Рустемовски против Сајди Беголи убедлива победа на поени 5:0.
Двата се закитија со злато, а Ален Рустемовски беше прогласен за најдобар македонски боксер на турнирот.
Нивниот тренер Јове Петровски Оцо изјави дека е многу задоволен како боксерите настапија на овој турнир.
„Наша следна цел е „Златна Војводинска Ракавица“ за која се зборува дека е мало светско првенство со оглед на тоа дека доаѓаат земји од сите континенти. Пред се да ја искористиме оваа прилика да му се заблагодариме на луѓето кои колку можат, ама искрено не подржуваат“, изјави Оцо за Читај бе.
