Битолчани доцна синоќа ги пречекаа новите шампиони на Македонија – ракометарите на Еурофарм Пелистер. Славењето на титулата, која после 18 години се враќа во Битола, започна уште во соблекувалната на салата во Охрид, после веста за ремито во Кавадарци, што беше само печат за да се круниса новиот ракометен шампион.
Со ова, Еурофарм Пелистер обезбеди место во Лигата на шампиони каде ќе игра заедно со најдобрите 16 екипи во Европа.
Наредниот викенд е последниот натпревар со Тиквеш, кога и официјално ќе се прослави шампионската титула.
