Битолскиот ракометен интернационалец Дарио Петровски со екипата на Јуниор Фасано ја освоија шампионската титула во италијанското Скудето обезбедувајќи место во Лига Европа. Фасано во разигрувањето за титулата ја доби мајсторката против Сасари, триумфираше со 35:32 и победата од три гола разлика за да победи во финалната серија со 2:1.
За тимот на Дарио Петровски освоената шампионска титула е четврта во својата клупска историја.
„Се чуствувам одлично после освоеното Скудето со една екипа која ги надмина границите и очекувањата на сите и повторно после 5 сезони го израдува Фасано.
Се чувствуваме малку уморно сите после овој плеј офф, но тоа е спортот, има и такви пероди, но најбитно е дека на крајот излеговме како победници после поразот во финале на купот на Италија, изјави Дарио за Читај бе.