Во Офицерски дом-КИЦ Битола со поддршка на истоимената установа се оддржа работилница „Артистот и музичката индустрија- бизнис релација или долгогодишно пријателство“.
Работилницата ја водеше Атанасија Гулевска-АТА, која со присутните ги сподели своите искуства од музичкиот менаџмент педантно спакувани во одлична, питка и корисна презентација која ги опфати поимите како; артист , креација, менаџмент, присуство на социјални мрежи, познанства, медиуми, присуство на шоукејси-саем на музичари, како функционира професионалната музичка индустрија, фестивали кои се добри за млади бендови , но и иницијативи на неформални и формални групи и младински организации како; Култура Бета, Пондер, Гола планина итн…
Одличната презентација доби свој фидбек кај присутните и ја зајакна идејата за поблиска соработка помеѓу сите оние кои се обидуваат да направат позитивни промени во локалните културни политики во делот на независната сцена.
Работилницата е дел од активностите на мини проектот „Зајакнување на независната музичка сцена во Битола“ поддржана од фестивалската мрежа @MOSTmusic.eu која има за цел зајакнување на капацитетите на локалната музичка сцена за себе организирање и подобрување на локалните културни политики во овој дел.
