На покана на градот Чигасаки, на 29 август 2022 амбасадорот Горан Цеков ги додели дипломите на наградените деца – учесници на меѓународниот ликовен конкурс „Мал битолски Монмартр 2022“, настан со 40 годишна традиција, кој преку универзалниот јазик на уметноста ги спријателува децата од целиот свет, објави Јапонската амбасада во Македонија.
На церемонијата се обратија градоначалникот на Чигасаки, Хикару Сато и амбасадорот Цеков, кои ги поздравија успесите на учениците од училиштето Shorin Junior High School, и изразија задоволство што преку оваа културна манифестација луѓето од Јапонија и Македонија се зближуваат се повеќе и што во развивањето на овие односи придонесуваат јапонските и македонските деца. Изразиja очекување дека врските меѓу двете пријателски земји ќе јакнат се повеќе во наредниот период во областа на културата, туризмот, науката и особено во економијата.
Потоа се одржа сесија на прашања и одговори за македонската култура, традиции, храна, како и за препознатливоста на Јапонија и јапонската култура кај нас.
