И оваа учебна година НУУБ „Св. Климент Охридски“- Битола ја продолжува кампањата за доделување на Ваучери за едногодишна бесплатна членарина за сите ученици од прво одделение и од прва година во средните училишта.
Кампањата ја започнаа со првачињата од ООУ„Елпида Караманди“- Битола на кои директорот на НУУБ„Св. Климент Охридски“- Битола, м-р Бојан Стефановски лично им ги подели ваучерите и им посака среќен и успешен почеток.
Кампањата има цел подигнување на свеста на важноста за читање, учество на библиотеката во процесот на формално и неформално образование, читање од раната возраст и сите фази во човековиот живот, вклучувајќи го и слободното време поминато на креативен и образовен начин.
– Бидете дел од универзалниот свет на книгата. Септември е месец кога започнуваме со образовниот циклус за сите возрасти. Искористете ја можноста бесплатно да се зачлените и да ги користите сите библиотечни ресурси на нашата библиотека, велат од НУУБ „Свети Климент Охридски“ Битола.
