Здружението за неформално образование, животна средина и социо-културна едукација Калидус – Битола го реализираше проектот „Иновативен пристап кон децата со посебни потреби во образовниот процес“ како дел од Еразмус + програмата наменета за образование на возрасни.
Проектот беше одобрен од Националната агенција за европски образовни програми и мобилност и на пет претставници на здружението „Калидус“-Битола, им беше овозможена обука на тема: „Стратегии за учење на ученици со посебни потреби“ организирана од страна на Europass Teacher Academy во Фиренца, Италија,одобрена од Европската комисија на Европската Унија.
Оваа обука е наменета за наставници кои работат со ученици со посебни образовни потреби во редовните и специјалните образовни училишта.Обуката беше прилагодена да обезбеди методи, стратегии и алатки за настава и оценување за да се одговори на посебните потреби за учење на нивните студенти.
Преку дискусија за студија на случај, како и споделување на добри практики и ИКТ алатки, учесниците учеа како да се справат со клучните предизвици на специјалното образование
После реализација на оваа обука следуваат дисеминации од обуката за сите заинтересирани лица, организации и здруженија кои се активни на полето на образование на возрасни.
