Хуманитарната акција „И ние можеме – насмевка за секое дете“, во организација на СОС Балкан Медиа, годинава по 16-ти пат се реализираше низ повеќе општини во југозападниот дел на земјата, при што уште еднаш го потврди својот статус како најголема хуманитарна манифестација од ваков вид во Македонија.
Во рамки на манифестацијата, во Општина Охрид, беше одржано свечено доделување признанија за поединци и компании кои со години даваат значаен придонес во областа на хуманизмот. Признание за трајни вредности доби и Горан Јошевски од туристичката агенција ЈК Травел Битола, како потврда за неговата долгогодишна поддршка на хуманитарни активности и општествено одговорни иницијативи.
Организаторите посочија дека туристичката агенција ЈК Травел со своето работење континуирано ја поддржува заедницата, при што хуманитарниот ангажман е составен дел од корпоративната култура на компанијата. Според СОС Балкан Медиа Охрид, придонесот на Горан Јошевски и ЈК Травел претставува пример за одговорно и одржливо општествено делување.
Покрај признанијата за трајни вредности, во рамки на настанот беа доделени и повеќе повелби за хуманизам на општествено одговорни компании и поединци. Како дел од манифестацијата, СОС Балкан Медиа и ЈК Травел доделија и награди – патувања, за најзаслужните учесници вклучени во реализацијата на хуманитарната акција.
