Денеска во Битола се одбележа 21-годишнината од масакрот во селото Вејце во 2001 година, кога во заседа беа убиени осум припадници на безбедносните сили на Македонија, од кои четворица беа битолчани: Марјан Божиновски, Илче Стојановски, Кире Костадиновски и Бошко Најдовски.
Голем број делегации денес им оддадоа почит и положија свежо цвеќе пред споменикот во кругот на СВР Битола, како и на споменикот на паднатите бранители од 2001 година кај градскиот часовник во Битола.
Пораките кои беа испратени беа повеќе никогаш да не се повтори, но и никогаш да не се заборават имињата на овие млади животи кои згаснаа бранејќи ја Македонија.
